Sut i ddod o hyd i ni

Wedi cyrraedd Ynys Môn dilyn yr A55 i gyfeiriad Caergybi. Gadael ar exit 3 i gyfeiriad Y Fali.

Ar y gylchfan dilyner yr arwydd am Y Fali. Yn y Fali trowch i’r dde wrth y goleuadau, dilyn arwydd Amlwch A5025.

Ar ôl mynd trwy bentref Llanfachraeth, mae’r ffordd gyntaf ar y chwith yn arwain tuag at Maes Carafannau Bae Penrhyn, Llanfwrog.

Dilyner yr arwyddion o’r fan hyn fydd yn eich arwain drwy fferm y Penrhyn i’r Maes Carafannau

Map

Cliciwch er mwyn cael map sy’n dangos lleoliad y maes

Teulu Williams sydd biau ac sydd yn rheoli Maes Carafannau Bae Penrhyn. Fe’i lleolir ar arfordir Gogledd-Orllewinol Ynys Môn, ar drwyn o dir sy’n edrych allan i gyfeiriad bae Caergybi - a’r goleudy sydd ar Ynysoedd y Moelrhoniaid.

Ar y maes mae 32 o aceri ar gyfer y rhai sy’n teithio gwlad gyda lleiniau arbennig ar gyfer carafannau symudol ( gyda lle i fachu trydan ) a phebyll.

Hefyd, mae Bwthyn Pum Seren ar gyfer Gwyliau Hunanarlwyol ar gael (gyda lle i gysgu 6).

Un o fanteision mawr y maes yw ei faint. Maint sy’n caniatau lle i bawb; lle i hedfan barcud; chwarae pêl-droed a chriced; neu gyfle i un ddatrys a datod leiniau pysgota ar ôl diwrnod o ’sgota ar y môr neu yn un o’r llynnoedd dwr croyw sydd gerllaw.

Ar gyfer selogion brwdfrydig chwaraeon dwr, mae bordhwylio, hwylio, a sgio ar ddwr yn weithgareddau hynod boblogaidd. Mae i’r maes ei lithrfa gysgodol ei hun sy’n caniatau lansio pob math o gychod bychain. Nodwch os gwelwch yn dda fod gennym bolisi o beidio a derbyn jet skis

Mae cyfleusterau o bob math i’w gael ar y maes yn cynnwys pwll nofio dan do wedi ei dwymo; siop; nwy gwersylla a nwy calor ar werth; ty a chyfleusterau golchi; cawodydd wedi eu gwresogi’n ganolog; toiledau gyda thoiled arbennig i’r anabl; ffôn cyhoeddus, a man chwarae arbennig i’r plant.

Cwrt Tenis bob tywydd.